WILLEMSTAD.- Djadumingu último den Because a tuma lugá e estreno dje obra ‘Kòntròl den Supermerkado’ skibi pa Michelangelo ‘Oko’ Dap i dirigí pa Juni Aniceta.
E obra ku di un forma humorístiko ta relatá algun esena di e trabounan diario di e tim di MEO ku ta hasi kòntròl den establesimentunan na Kòrsou.
Ku un elenko formá pa entre otro Don Eligio Melfor, Tio Sandy, Dwight de Windt, Cynthia Martina, Juni Aniceta, Verlon Donker, Gibi Enano, Boekhoudt, Popi Soli i Mc Monti e obra a pèrkurá pa pone e públiko disfrutá i hari kada esena.
Durante dje pousa a duna un homenahe chikí na henter e tim di MEO ku tabata tei presente.
‘Oko’ Dap tabata masha kontentu na final dje anochi indikando ku a bai hopi bon i ku pa nan ta importante ku e públiko a gosa.
Nan ta pendiente awor pa un presentashon dia 3 di sèptèmber na Boneiru. Konfirmashon pa un presentashon na Aruba lo tuma lugá awe durante di dia.
Riba foto bo por apresiá algun imágen durante dje obra i tambe e elenko ku a presentá e obra. Pòtrètnan pa kortesia di www.kitatin.com