WILLEMSTAD.- Fundashon Kultural Seú Kòrsou den kuadro di duna informashon i palabrashon ku su gruponan ta partisipá ku nan lo organisá dos reunion e wikènt benidero.

Djasabra, 6 di febrüari 2021 lo tin un reunion pa Gruponan di Seú. E reunion ta tuma lugá na Klup di Shell. E orario lo ta di 4 or pa 6 or di atardi.

Djadumingu, 7 di febrüari 2021 lo tin reunion ku Gruponan Rítmiko. E reunion aki tambe lo tuma lugá na Klup di Shell i e orario lo ta di 4 or pa 6 or di atardi.

E reunionnan lo konta ku presensia di e Komishon di Aktividat di Gobièrnu, TAC, ku lo duna informashon.

FKSK ta hasi un apelashon pa gruponan manda 1 representante i kòrda bin ku tapa boka. Lo registrá tur hende na porta.