WILLEMSTAD.- Dòkternan di kas ta kuminsá traha bèk despues di e huisio sumario ku a tuma lugá awe djaweps 5 di novèmber. Manera ta konosí, for di djaluna dòkternan di kas bou di guia di nan asosiashon a pone trabou abou. A sera ofisinanan di dòkter i a laga 5 ofisina ku ta atendé solamente kasonan di urgensia. Gobièrnu a entamá un huisio sumario pa stòp e akshon. Presidente di e Asosiashon di Dòkternan di Kas dr. Elger Jacobus a bisa ku wes a sugerí pa nan bai traha bèk i nan a aseptá esei.

E asosiashon a pidi gobièrnu un oumentu temporal di Cg 2.50 riba e loke nan ta kobra pa kada pashènt. E ta temporal pasobra a tene kuenta ku Regulatory Authority Curaçao (RAC) lo mester hasi un investigashon profundo pa determiná kuantu mester adaptá e tarifanan realmente.

Dòkternan di kas a keda satisfecho pa e manera kon e wes a atendé e kaso. E parti ku a e asosiashon a papia ku RAC òf no tambe a laga un smak un poko marga!