MERKA.- Peter Berg, direktor a duna di konosé na e revista Rolling Stone ku e dokumental riba e bida i karera artístiko di Rihanna lo ta aki dos luna riba pantaya grandi.
Berg na 2016 a anunsiá e dokumental ku ta duna un bista kon e kantante di 30 aña a bira un ikono mundial. Berg no ta un deskonosí pa Rihanna, na 2012 e kantante a hasi su debut komo aktris den e pelíkula ‘Battleship’, dirigí pa Berg.
‘Pa mi e ta un muhé eksepshonal. E dokumental ta duna bu un bista riba kon e ta desaroyá su talento. E ta trata su régimen di trabou, talento, suerte, preshon i vishon’, asina Berg a konta Rolling Sone.
‘E ta realmente un muhé interesante ku aki dos luna nos lo mira e resultado’.
Rihanna aktualmente ta na Cuba kaminda e ta trahando ku e direktor Hiro Murai riba un proyekto sinematográfiko titulá ‘Guava Island’.