MERKA. – E servisio sekreto merikano a hasi konosí ku na 2018 nan a interogá e rapper Eminem relashoná ku tekstonan di rap ku el a produsí kontra di e presidente merikano, Donald Trump.
E tekstonan ku nan ta referí na dje ta aparesé riba Eminem su albùm ‘Revival’ ku a keda lansá riba 15 di desèmber 2017. Den e kansion ‘Framed’, e rapper ta hasi uso di e nòmber ‘Donald Duck’ i ta referí na e presidente merikano.
Riba mesun fecha ku e kansion a keda lansa e servisio sekreto a kuminsá un investigashon. Segun informashon e interogashon a kana den un bon esfera. Finalmente e servisio sekreto a yega na e desishon ku nan lo no presentá e kaso na fiskal.