WILLEMSTAD.- Ayera nochi e ‘big act’ pa e evento ‘Tabula Rasa’ a keda anunsiá na Madero Beach. Don Diablo, e dj i produktor ulandes a keda konfirmá pa e evento i lo ta kompartiendo tarima ku entre otro Salvatore Ganacci, Freddy Moreira i mas. Don Diablo, su nòmber original: Don Pepijn Schipper, ta un dje artistanan mas grandi pa loke ta trata EDM. Aña pasá e tabata na puesto # 11 dje lista di e 100 mihó dj’s di mundu. P’e aña aki el a subi 4 puesto i ta rankia na # 7 i pa di dos aña sigui tin e korona di ‘Future House Crown’. Djasabra awor karchinan ‘early bird’ lo ta optenibel na van den Tweel i ‘online’ via bit.ly/TICKETSTABULARASA. Pa mas informashon di ‘Tabula Rasa’ por bishitá nan página di facebook.