Donatelly Atanasia Martina

GRADISIMENTU I INVITASHON
NA NOMBER DI SU MAYORNAN, YU, NIETUNAN, RUMANNAN, I DEMAS FAMIA DI E DEFUNTU:

Donatelly Atanasia Martina
mihó konosí komo Nati, Donna òf Telly

Kier a gradisí tur famia, amigu, bisiña i konosínan ku a duna atenshon na ora di malesa, morto i entiero di nos defuntu stima. Un danki ta bai tambe na tur ku a manda krans, a manda Whatsapp, mensahe i hasi yamada. Boso atenshon tabata un konsuelo pa nos. Alabes nos kier a partisipá ku lo tin 1 Santu Sakrifisio di misa pa deskanso di alma di nos defuntu: djadumingu 9 di òktober 2022 na Misa di Montaña pa 11or di mainta. Aseptá esaki komo un invitashon personal.