WILLEMSTAD.- Bo ta kòrda kon bo tabata bai Klup di Shell pa bai gosa i baila kalipso/soka durante e tremendo festivalnan di Kalipso?  Bo ta kòrda e dushi ambiente ku tabata reina den Klup di Shell?  Awèl, riba petishon di tantísimo fanátiko Klup di Shell ta organisá un Jam Session, Jump-In.
Esaki lo tuma lugá djasabra, 16 di febrüari 2019 na Klup di Shell ku animashon di e steelband di momentu Tropical Steel Orchestra i e konosido D.J. MC.
Mas ku klaro lo tin presentashon di diferente ‘calypsonian’ ku a marka pouta manera e.o.
Chebu Statia, Reinir Lijfrock, Merietza Haakmat, Altzer Mentar, Edward Joseph, Steve Simmons i Mas
Ta invitá tur amante di kalipso/soka pa bin rekordá e dushi tempu,
Karchi lo ta optenibel na Klup di Shell. Entrada adelantá ta solamente 15 florin i na porta e ta bira 20 florin.
Manera kustumber, kushina lo ta na enkargo di Sixto Williams i lo ta bon surti ku e Johnny-cake i saltfish, konch & dumplings, bullfoot soup, grill, etc.
Pa mas informashon por tuma kontakto ku Don Lake na 520-1385, Early Meriën na 569-5653 i na Klup di Shell 869-2577.