ORANJESTAD.- Outoridatnan na Aruba ta trahando duru pa solushoná un kaso di asesinato ku a tuma lugá dia 15 di yanüari di e aña aki. Polis ta anunsiá ku nan a detené dos hende hòmber mas den e kaso aki. Ta trata di respektivamente Y.L.F na un kas den Prinsenstraat i J.J.L na un kas den Kaya Sint Lucia. Rishershi di San Nicolas a realisá e detenshon.

Outoridatnan ta splika ku ta konsiderá e personanan aki sumamente peligroso i pa e motibu ei ku a hasi uso di tim di aresto pa nan detenshon.