WILLEMSTAD.- E bandanan ku ta bai presentá den e tremendo evento di ‘Rei di Kaya’ tambe ta entusiasmá pa presentá den e promé edishon dje evento aki ku tin tur ingrediente di bai bira un algu grandi.
Representante di tantu ONE i ICONS a hiba palabra ayera tardi i nan ta ansioso pa presentá.
Dibo D ta bou dje impreshon ku e konsepto di ‘Rei di Kaya’ lo bai hala hopi atenshon. “Meskos ku Bash’é tabata pa inisio di Festival di Tumba, e importansia di e promé roadfirenan ku a hasi impakto tambe. Awó mi generashon tambe por traha roadfire pa pueblo por gosa. Roadfire meskos ku Tumba ta parti di Karnaval. Esnan ku a hasié promé ku nos a traha un bon fundeshi. Nos tur ta bida den kas ku e Reinan di Kaya a traha promé. Kòrsou meresé algu asina, mester duna sosten, respondé masalmente. Mi mes ta ansioso pa mira’, asina Dibo D a ekspresá na momentu ku el a hiba palabra.
Efrem Mambi, dirigente di ICONS a bisa ku ora a aserk’é pa kontratá ICONS e úniko palabra ku e por a bisa tabata ‘Wauw’. ‘Kada banda lo tin nan diferente Reinan di Kaya. Gio ku Luwi Yano, ONE ku Dibo D, ICONS ku Djuric, Hunneley i Amos. ERA ku Paul Welvaart i Little.
Nos tin hopi Rei di Kaya na Kòrsou. Nos lo rementá parkeerplaats di TeleCuraçao’.