WILLEMSTAD – Awe den oranan di mardugá brantwer mester a duna asistensia na dos kaso diferente di outo ku tabata na kandela. E promé asistensia tabata na Tera Kora Silberie. Un Toyota Vitz a kima por kompletu. Tabata na momentu ku trahando riba e outo den ora nan di mardugá ku el a kue kandela i keda kompletamente destruí. Brantwer di Barber tabata na e sitio.

Mas despues den Breedestraat, Otrobanda polis i brantwer a bai pa un otro outo na kandela, esaki un Mazda blanku. Aki e motor a pega kandela. Doño a bisa e tabata koriendo i tur lus a bira kora i direpente vlam a kuminsá sali fo’i tapa di motor. Brantwer a paga e kandela i e daño a keda na e motor di e outo so.