WILLEMSTAD.- Kontinuando ku un investigashon relashoná ku intento di ladronisia bou di kondishon pisá pa saka sèn for di un bankomátiko dia 23 di mei 2018, polis a detené dos hòmber sospechoso.

Awe mainta alrededor di 05.07’or di, Polis konhuntamente ku personal di RST a detené na Sittardstraat e sospechoso R.J.R. nasé na Kòrsou di 32 aña di edat. Mesora a hasi un investigashon den e kas na Sittardstraat i a haña i konfiská artikulonan ku ta di importansia pe investigashon. Alrededor di 09.30’or, riba Kaya na Soeur Gerardaweg Polis konhuntamente personal di RST a detené e di dos hòmber sospechoso D.M.D.K. nasé na Kòrsou di 36 aña di edat.

Seguidamente a tene entrada hudisial den un kas na Arikokweg i a haña i konfiská artikulonan ku ta di importansia pe investigashon.

A presentá ámbos sospechoso dilanti di un Fiskal Ouksiliar ku a ordená nan enkarselamentu pendiente di mas investigashon.

Detayenan amplio di e kaso aki den edishon di EXTRA mañan mainta