WILLEMSTAD.- Teddo Juice konosí di K-liber, a start ku muzik atrobe. K-liber ta e promé grupo di rap ku a skor hitnan den Tòp 40 na Hulanda. Ken ta kòrda “Viben” i “Magnifico”.
Pa e temporada di fiesta Teddo Juice a lansa 3 piesa nobo nobo.
‘Gesellig’ – ‘Tiki Tiki’ i ‘NosNoTaBaiKas’, 2 track huntu Jr Manuel i un track solo.
Teddo Juice ta dosente di ‘natuurkunde’ na ASCP.  Na skol el a konosé su alumno Jr Manuel, mira e talento den dje i no a duda pa bai studio kuné.
“Unde Fiesta Ta” tabata e promé grabashon huntu ku Jr Manuel. E track aki ta hopi gustá bou di hóbennan. “Gesellig” ta produsí dor di ILL Flavaz.‘Tiki Tiki’ ta un produkshon di St Vincent dor di Marly Beats i e último "NosNoTaBaiKas" ta produsí dor di Ultrabeatz. Esakinan ta bai bira hitnan grandi pa e temporada di Karnaval. Tur klase di éksito na Teddo Juice i su ‘crew’ ku e re-start den músika.