MERKA.- Dr. Dre ta trahando riba produkshon di un pelíkula relashoná ku e bida di e kantante Marvin Gaye. Pelíkulanan ku anteriormente a keda produsí riba e bida dje kantante no a tuma lugá ku outorisashon di su famianan.
Dr. Dre konosí pa produkshon ‘Straight Outta Compton’, un drama di 2015 relashoná ku e grupo di ‘Hip Hop’, N.W.A.
E pelíkula di Marvin Gaye ta den e fase preliminar. E produktornan a risibí outorisashon pa usa e músika dje kantante di Rhythm & Blues, entre otro ‘What’s going On’, ‘Sexual Healing’ i ‘ Let’s Get it On’.
E kantante di Soul na 1984, ku 44 aña, a keda tira mata dor di su tata. Den e último añanan di su bida Gaye a biba na Oropa kaminda e tabatin problema ku su adikshon na droga. Djis promé ku su morto e kantante a regresá Merka.