NEW YORK, MERKA.- E rapper kanades, Drake, a logra ku 7 di e kansionnan di su albùm nobo ‘Scorpion’ ta entre e 10 kansionnan mas skucha riba e listanan di hit merikano, ku esaki el a kibra vários rèkòrt, superando entre otro The Beatles i e rei di pòp, Michael Jackson, asina e revista Billboard a informá.
The Beatles a logra pa na 1964 pone 5 di nan kansionnan entre e 10 nan mas solisitá na Merka.
Drake a logra pa durante di su karera musikal e logra di tin mesun kantidat di kansion den ‘Top 10’ ku su kantidat di aña, 31 total, un logro ku ni sikiera e eksitoso Michael Jackson no a logra.
‘Scorpion’, e albùm di Drake a logra pa den 1 siman surpasá e marka di 1000 mion di reprodukshon via di plataformanan di ‘streaming’, loke tambe ta un rèkòrt nobo.
E músiko di Toronto a publiká su albùm dòbel ku 25 kansion na fin di yüni 2018. Ganadó di vários Grammy, ya el a kibra diferente rèkòrt di streaming ku su éksitonan di pasado i ta figurá entre e rappernan ku tin mas entrada.