MERKA.- Drake a sali dje porta grandi di Billboard Music Awards 2019 ku 12 galardon, un kantidat impreshonante loke a kombertí e Kanades den e artista mas rekonosé den historia di BMA, debí ku e la gana 27 galardon kaba den su karera musikal.
Drake a bai ku entre otro premio pa Mihó Artista, Mihó Artista Maskulino, Mihó Rapper i Mihó Álbum pa ‘Scorpio’.
E rapper Merikano, di orígen Dominikano, Cardi B tambe tabatin un tremendo anochi kaminda e la gana 6 galardon. Djis tras di Cardi B tabatin Maroon 5 ku 4 premio, un grupo di artistanan ku 3 galardon, Ella Mai, Luke Combs, Lauren Daigle i Ozuna.
Siman pasa Ozuna a bai ku 11 galardon durante di Latin Billboard 2019.
Un dje aktuashonnan mas destaká durante dje anochi tabata di Madonna i e Kolombiano, Maluma, ku a interpreta huntu ‘Medellin’, usando trahenan estilo di pirata.
E premio pa Ikono di Billboard Music Awards 2019 a keda otorgá na Mariah Carey.