CANADA.- Rapper Drake a kuminsá su propio negoshi di ‘Cannabis’. E empresa ‘More Lige Growth’ lo kuminsá operá for di e siudat Kanades, Toronto.
E produktonan di Cannabis segun e empresa ta dirigí riba bienestar i kresementu personal.
‘E idea ta pa krea algu spesial den un industria kresiente ta inspirativo’, asina e rapper a indiká. ‘Mas bida i mas bendishon’.
E empresa di e artista kanades di 33 aña a bai un kolaborashon ku ‘Canopy Growth’, un empresa grandi den e produkshon di Cannabis.
E kompania produktor di serbes, Corona a invertí 5 bion dòler den ‘Canopy Growth’.
Ku su empresa di Cannabis, Drake ta djòin entre otro Jay-Z, Whoopi Goldberg, Melissa Etheridge i Snoop Dogg. For di òktober 2018 Cannabis ta legal na Canada.