OROPA.- Drake no ta presentando e kansion ‘Don’t Matter to Me’ durante di su tour na Oropa. Den e kansion bo por skucha un ‘sample’ di músika di Michael Jackson.
E kansion a hasi falta riba e lista di presentashon di Drake na Manchester, Inglatera djadumingu último.
E kansion tabata forma parti di tour na Merka den 2018.
Segun un fuente di e portal TMZ, e kanades a tuma e desishon pa no presentá ‘Don’t Matter to Me’ mas, esaki despues ku e dokumental ‘Leaving Neverland’ den kua dos hòmber ta kulpa Michael Jackson di mal uso seksual tempu ku nan tabata mucha.
Drake mes no a duna niun deklarashon ofisial di e motibu pakiko e kansion no ta forma parti di su ‘The Assassination Vacation Tour’.