WILLEMSTAD.- Ayera nochi e duo forma pa Randal Corsen i Gilbert ‘Dibo’ Doran a presentá ‘Duets’ den sala La Belle Alliance di Avila Beach Hotel.
Durante dje konsierto e pianista i kantante a presentá un repertorio di piesanan lokal konosí i tambe entre otro nan hit resien ‘Dushi Sentimentu’. E públiko presente sigur a disfrutá dje presentashon dje duo ku ya tin algun proyekto ku nan a presentá ku Randal Corsen Orchestra, pero e biaha aki nan dos so. Riba foto nos por apresiá algun momentu durante dje presentashon.