WILLEMSTAD.- Portanan ta sigui habri pa Cesar Rodriguez. Despues ku pa algun aña kaba Cesar ta profilando komo road manager pa Gentz i tambe komo un dje hóbennan lokal ku a traha komo produktor i stage manager pa diferente evento ku presentashon di artistanan internashonal, e porta internashonal a habri pa Cesar. Den wikènt ku ta tras di lomba el a risibí invitashon di Adam Torres, eks manager di Don Omar ku aworakí tin su mes ekipo di produkshon i ta produsiendo diferente konsierto. Adam a invitá Cesar pa djòin su ‘production staff’ na Brooklyn, New York pa dos dia di konsierto, un di músika urbano i e otro un konsierto di Salsa. Meta dje invitashon tabata pa Cesar haña mas eksperensia i pa den futuro serkano traha huntu ku e kompania i òf ku otro artistanan den proyektonan musikal. Cesar riba tarima internashonal. Eksito!.