MERKA.- Den e revista ‘Rolling Stone’ resientemente a aparesé un artíkulo kaminda Dwayne Johnson a splika di e problema ku tin entre e i su kolega di ‘Fast & Furious’, Vin Diesel.
Ta pa promé biaha ku Dwayne ta duna un deklarashon asina i kontando entre otro ku e dos artistanan durante di grabashon dje último edishon dje serie ‘Fate of the Furious’, ku nan dos nunka tabata huntu riba set.
‘Ma realisá ku nos ta fundamentalmente den desakuerdo ku otro riba e manera kon ta produsí pelíkula i traha huntu. El a tuma tempu pa mi realisá, pero mi ta gradesidu ku awor e ta komprendibel ku den futuro nos lo traha huntu, si òf no’, asina Dwayne a sigui splika.
For di despues ku na 2016 Dwayne a reklamá sin menshoná nòmber di Vin Diesel, fanátikonan si a ripará durante di un esena di ‘Fate of the Furious’ ku e dos personahenan mester tabatin kontakto ku otro ku esaki a keda montá i ku Diesel i Johnson no a graba esaki huntu. Esaki a keda konfirmá pa ‘The Rock’ den e entrevista.