WILLEMSTAD.- Djabièrnè último a tuma lugá un kompetensia di rap pa hóbennan di Kòrsou. E tema dje kompetensia di rap tabata ‘Kòrsou i su Bandera’.
Hóbennan por a komponé komposishonnan na Papiamentu ku ‘Kòrsou i su bandera’ komo tópiko prinsipal.
Un total di 6 duo i 1 partisipante individual a partisipá na e kompetensia.
Un kuerpo di hurado formá pa kantantenan di e género urbano a husga e presentashon di e partisipantenan. E kuerpo di hurado tabata forma pa Chaika Danoutah Sammy, Tito Ras, Jaido, Gols i Nai.

PREMIASHON
Di tres finalista a resultá Lysandro Hans i Wemley Leitoe ku a presentá e komposishon ‘Kòrsou lanta riba’. Premio pa di dos finalista a bai pa Georvert Isenia i Naichelo Hart ku ‘Kòrsou i su bandera. Wilfred Rosa i Jonathan Margaritha a resultá e promé finalista ku e kansion ‘Dushi yu di Kòrsou’. E ganadó apsoluto a resultá e duo formá pa Dylan Antonia-Anastasia i Rose Joseph ku nan kansion ‘Desaroyo di mi suela’.