MERKA.- Ta parse ku e pareha Kylie Jenner i Travis Scott a primi ‘pouze’ ku nan relashon esaki debí na komplikashon ku tin ku nan obligashonnan laboral.
E problemanan di amor ta regresá pa e rumannan Kardashian-Jenner i ounke e kontratempu no tin nada di aber ku infidelidat, tin un separashon.
E bia aki a toka turno na esun mas chikí di famia, Kylie Jenner, kende aparentemente a disidí di tuma un ‘break’ di e tata di su yu muhé.
Aparentemente e mayornan di ‘Stormi’ di 1 aña, a disidí algun siman atras pa primi e boton di ‘pouze’, pero niun no a konfirmá esaki públikamente.
Kylie, di su banda, parse di ta tumando e kosnan ku trankilidat i ta enfoká riba su proyektonan nobo. E impreshon aki bo ta haña ora bo tuma nota di un publikashonnan riba retnan sosial. Tur esaki sin deskuidá su bida personal huntu ku su yu muhé. Resientemente mama i yu a bai e kasamentu di Justin Bieber i Hailey Baldwin.