MERKA.- ‘Ku e rèspèt nesesario pa Kylie, Travis Scott, nan yu i nan famia, mi ke pone kosnan stret i bisa ku mi relashon ku Kylie i su famia a keda limitá estriktamente na mi trabou profeshonal’, asina Tim Chung a skibi den un ‘post’ ku a keda poné riba Instagram, esaki relashoná ku rumornan insistente, durante wikènt ku ta tras di lomba, riba ken ta e tata real di e beibi, Stormi.
Den e simannan despues ku e beibi a nase den luna di febrüari, siguidónan di medionan sosial a keda spekulá ku Chung lo mester ta e tata di ‘Stormi’, debí na diferente similaridat. Den su post di Instagram ku e título ‘My first and last comment’, Chung a indiká ku e rumornan ta ko’i hari.
‘Mi ta un persona masha privá i normalmente lo mi no respondé rumornan ridíkulo’, asina Chung, kende ta un polis di LAPD ku 800 mil siguidó riba Instagram a bisa.