MERKA.- Den luna di aprel 2018 JLO a lansa un kansion titulá ‘Y el anillo pa cuando’ den kua e tabata señalá ku e tin tur kos, pero ‘y el anillo pa cuando’.
E dia a yega, Alex Rodriguez a pone un potrèt riba su kuenta di Instagram kaminda bo ta mira e renchi bisti na e dede di JLO. E mensahe bou dje potrèt ku e eks beisbolista a skibi tabata: ‘Ela bisa Si!’. Jeniffer di su banda a publiká e mesun potrèt kompaña pa 8 kurason kolo pretu. Dje forma ei nan tur dos a kompartí e informashon riba retnan sosial.
Tur dos ta divorsiá. Lopez ku a nase na Bronx, tabata kasa ku Ojani Noa di 1997 pa 1998. Ku Cris Judd di 2001 pa 2003. Tabata pendiente pa kasa ku Ben Affleck, pero e boda a keda kanselá. Na 2004 ela kasa ku e salsero portorikeño, Marc Anthony, ku kende ela keda kasa te ku 2012. Kuné e tin e ohochinan Max i Emme.