WILLEMSTAD.- E kantante Jennifer Lopez a respondé e akusashonnan di infidelidat ku luna pasa Jose Canseco a hasi kontra di su prometido, e eks hungadó di beisbòl, Alex Rodriguez.
E aktris a sigurá ku e sa ken Alex ta i ku e no ta bai laga otronan bisa kua ta su relashon.
JLo a afirmá durante di un entrevista na radio ku nan ta namorá i ta felis.
Luna pasa e eks hungadó di beisbòl, Jose Canseco, a akusá Rodriguez di ta gaña e Diva di Bronx ku su eks kasa, Jessica Sekely. E último a desmentí e rumornan i a bisa ku entre e i Alex tin un amistat i ku e ta kontentu pa e relashon ku Alex tin ku JLo.