WILLEMSTAD.- Ayera tardi a tuma lugá e presentashon ofisial di un grupo di Karnaval nobo pa Karnaval 2019. Den luna di mart 2018 un grupo di karnavalista a reuní pa por sigui ku un grupo ku ya pa 15 aña a partisipá den nos Karnaval ku éksito. E grupo aki tabata Grupo Aloha. Algun miembro di Aloha huntu ku un konsehero a bini ku e nòmber ‘E He He’ i trabou a kuminsá mesora. Ayera tardi a firma kontrakt ku agrupashon musikal ‘Tune’ ku lo kompañá e grupo ku un front karnavalesko. Pa Gran Marcha tin oportunidat pa bo tambe drenta den bo ‘E He He’. Pa bo haña tur informashon bo ta keda invitá pa un atardi di informashon ku lo tuma lugá djadumingu awor, 29 di aprel na Japan N.V. di 4’or pa 6’or di atardi. Bin pa bo skucha e tarifa spesial ku lo bai tin pa 2 luna largu. Den kaso ku bo no por tei, ‘E He He’ tin un liña di informashon: 511-9831, yama Ebron Lebacs i lo bo risibí tur informashon. Riba foto nos por apresiá e momentu ku direktiva di ‘E He He’ a firma kontrakt ku Paco Nahr, representante di Tune.