WILLEMSTAD.- E tremendo komedia ‘E Herensia di Shon Kathan’ ta kontinuá ku su último dos funshonnan mañan djadumingu, 25 di febrüari 2018.
Mester informá ku e promé funshon di 11’or di mainta tur karchi a kaba, a sobra algun karchi pa e funshon di 7’or di anochi.
Bin ku famia kompletu sinta den un ambiente festivo motibu ku su manisé, djaluna 26 di febrüari, Grupo di komedia Elouisa, ántes ‘Arteproba’ ta kumpli 40 aña di eksistensia.
Ki mas mihó ku selebrá ku e komedia ku a i ta hasiendo furor den mundu di teater na Kòrsou.
Bin sinta kómodo den Teatro Luna Blou i disfrutá di un komedia humorístiko skibi pa Dudy Pinedo, dirigí pa Jessica Damon i presentá pa Grupo di komedia Elouisa.
Un historia basa riba tres ruman, nan ta triyiso, tur tres a nanse mesun dia algun minüt di diferensia. Nan a wòrdu repartí fo’i chikí pa tres  diferente famia.
Nan ta karga e nòmber ‘Baby’, ku ta pa su kuenta; ‘Alicia’, yen di idea i Ingrid ta un humilde ku ménos rekurso pa biba. Nan tres mester haña otro pa konosé otro,  sino nan no por risibí e herensia.
Buska bo karchi na Mensing Caminada, 24 Uur uit de Muur i riba dia di funshon for di 9’or di mainta na takia di Teatro Luna Blou. Pa reservashon yama 462-2209 òf 567-6717.