WILLEMSTAD.- EXTRA den kolaborashon ku ‘Skempi’ resientemente a kuminsá ku publikashon semanal di e “Kantika di Siman”. Dayo i Naomi Silvanie ya a logra pa konkistá e puesto di ‘Kantika di Siman’. Tur siman riba djaweps ta publiká e kansion ku tin mas akohida durante dje siman ku ta tras di lomba riba e wèpsait di EXTRA, www.extra-v2.mystagingwebsite.com Ora bo bishita e wèpsait EXTRA bo ta mira e ‘banner’ di Skempi, bo ta klik riba dje i bo ta skucha e ‘Kantika di Siman’. Pa e siman aki tin un produktor konosí den e género di músika Urban ku ta logra e puesto di honor. Ku kontrol tumando lugá e último simannan i e klímaks dje kontrolnan resultando den un manifestashon na Goisco a pone produktornan musikal desaroyá nan kreatividat. Un dje piesanan ku a keda lansá i a risibí un akohida mesora ta ‘Het Gois Model’ produsí pa e produktor “Menasa”. P’e siman aki ta ‘Het Gois Model’ ta nos kantika di siman.