WILLEMSTAD.-  Ayera, tabata un anochi grandi pa e organisashon di Hak’e.  E pregunta mas hasí e dianan aki, ‘ki koló e pèchi di Hak’e 2018 ta?’- finalmente a keda kontestá. Estreno Mas Wepa huntu ku Nagico Insurances den forma di primisia a revelá e koló di e pèchi durante di un reunion general ku grupo di karnaval Estreno Mas Pikete. Un euforia total; entre entusiasmo i aplouso di e miembronan a entregá e promé pèchi di e Jump In Festival ku ta tuma lugá djasabra awó. E koló ta bèrdè! Esaki ta e koló di nan patrosinadó mayó e aña aki, Nagico Insurances.
Ta kòrda tur hende ku ta entregá pèchi awe, djabièrnè entre 6’or pa 10’or di anochi i djasabra entre 9’or di mainta pa 2’or di atardi na Sambil Shopping Mall. Kòrda ku bo entrada ta bo karchi huntu ku bo pèchi! Sin e pèchi bistí no por drenta!
Riba foto athunto, momento ku a revelá e pèchi di Hak’e 2018! E kolo ta bèrdè!