MERKA.- John Legend, Andrew Lloyd Webber i Tim Rice djadumingu último a logra di gana un galardon durante di ‘Primetime Creative Arts Emmy Awards’ i dje forma ei nan a logra nan ‘EGOT – status’.
Despues di un Grammy, Oscar i un Tony nan ta logra un Emmy ku ta e di kuater galardon mas importante na Merka.
E trio a gana un Emmy pa e produkshon di ‘Jesus Christ Superstar’, Live in Concert’, un vershon Merikano di ‘Passion’.
Legend, aparte di tabata e aktor prinsipal tabata tambe produktor i Lloyd Webber i Rice tabata responsabel pa e komposishonnan i teksto dje kansionnan ku a keda interpretá den e ‘musical’.
Legend, Lloyd Webber i Rice ta e di 13, 14 i 15 persona ku a logra gana un Emmy, Grammy, Oscar i Tony.
Legend ta bai den e bukinan di historia komo e promé persona di kolo ku ta logra esaki. Ku 39 aña di edat, huntu ku Robert Lopez nan ta esnan mas yòn ku a yega di logra un ‘EGOT status’. Ta promé biaha ku den un aña mas ku dos persona ta logra kompletá nan EGOT.
‘Tempu ma drenta e industria musikal, e tabata un soño pa bo logra gana un Grammy, tin hopi éksito komo músiko, bende hopi albùm i tour rònt mundu. Pero nunka ma soña pa mi logra un gana un EGOT. E tempu ei mi no tabata sa mes kiko e tabata’, asina Legend a bisa despues di a kaba di risibí su galardon.