ARUBA.- Durante di wikènt ku ta tras di lomba a tuma lugá na Aruba e promé edishon di ‘Casibari Jazz Festival’. E festival di Jazz di Casibari ta nase despues ku organisadónan ta skohe pa bai un konsepto mas chikí despues ku pa 12 aña largu nan a produsí ‘Caribbean Jazz Festival’. Pa e promé edishon nan a pèrkurá pa riba dos dia presentá un total di 6 formashon musikal ku a sa di entretené e públiko den gran forma. E organisashon a pèrkurá pa delaster un detaye pa loke ta trata e servisio na públiko. Randal Corsen huntu ku Tania Kross i Dibo Doran tambe a forma parti dje festival. Riba foto nos por apresiá e algun momentu durante dje konsierto. Potrètnan pa kortesia di Tito Laclé.