WILLEMSTAD.- Durante dékada 50 i 60 e asina yama ‘teater den outo’ tabata sumamente popular na nivel mundial. Awor, algun dékada despues, nos konosé e famoso konsepto di ‘drive in concert’, kual ta brinda e amantenan di farándula un eksperensia úniko i inolvidabel. Un konsepto ku sigur a bira popular na diferente pais debí na e restrikshon i medidanan mara na e pandemia di covid-19.

Ku e konsepto aki den mente, e organisashon Royal Rentals Curaçao a tuma e inisiativa pa organisá e promé edishon di  ‘drive in – jump in’ na Kòrsou. Pop Your Trunk (PYT) ta un Jump In inovativo i kreativo, spesial pa e pueblo karnavalista por disfrutá di temporada di karnaval na un manera adaptá, sano i sigur. Simplemente parker bo outo, habri bo baul i disfrutá di e tremendo ambiente, abo i bo ‘crew’ den boso propio área.

E promé edishon di Pop Your Trunk lo tuma lugá riba 26 i 27 di febrüari próksimo den Curaçao Festival Center. Kada un di e fecha nan aki lo tin diferente agrupashonnan musikal ku tin na nan enkargo, deleitá e públiko presente ku e ambiente kayente di karnaval.

Agrupashonnan musikal presente riba 26 di febrüari lo ta Icons, One ku Dreams i dia 27 di febrüari lo tin Era, Gentz i One. Den preshow lo tin presentashon di Orírí.

Bo tin tres opshon di entrada: ‘Cartickets’ – 5 persona den outo, Vip Single ta inkluí 3 bibida di bo eskoho, estilo Red Carpet i Vip Stage, mesa riba stage 4 persona, 2 bòter bibida premium i baki di pasapalu.

Karchinan ta optenibel na Royal Rentals Curaçao na Nieuwe Pareraweg i na Bugs Bunny snek na Mahaai. Pa reservashon i entrega di karchi por yama 565-2244.

Pa mas informashon por yama 565-2244 òf 514-0155.

Ban  disfrutá di un bon ambiente na un manera responsabel.