WILLEMSTAD.- Ku orguyo nos por anunsiá awe ku niun hende ménos ku Jason Derulo, Carlos Vives i Sean Paul lo bini Kòrsou pa Curaçao North Sea Jazz Festival 2018. Tambe por anunsiá binida di Spyro Gyra i e Trio Michel Camilo. Organisashon di CNSJF ta trahando riba diferente otro artista.
Lo anunsiá e artistanan aki den kurso di lunanan benidero. E di ocho edishon di e festival lo habri djaweps 30 di ougùstùs ku konsiertonan grátis den World Trade Center. Ya a keda konfirmá pa e anochi di apertura en todo kaso Silvestre Dangond.
Promé ku el a anotá bou di su mes nòmber algun éksito, e outor, kantante i bailarin Jason Derulo ya tabata komponiendo pa otronan. Despues di piesanan pa nòmbernan ku ta zona manera Lil Wayne, Pitbull, Diddy i Sean Kingston el a hasi su mes famoso na 2009 ku su promé disko single Watcha Say ku a resultá di ta na Merka direktamente na number un. Entre tantu Derulo a bende mas di 50 mion ehemplar ku a resultá 27 bes den platina, e bistasonan riba YouTube i streams den Spotify ya pa basta tempu kaba a surpasá e borde di mil mion ehemplar.
E kantante kolombiano, kompositor i aktor Carlos Vives a bira famoso komo strea den télenovelanan kolombiano i portorikeño. Na 2001 el a risibí pa su álbum Déjame Entrar su promé Grammy Award dor di ta e mihó Traditional Tropical Latin Album (Album tropikal tradishonal latino). Vives ta kombiná vallenato tradishonal ku elementonan di rock i e ta sigui saka álbum eksitoso. Na 2017 el a saka su di 15° álbum Vives, ku tin riba dje e éksito La Bicicleta, huntu ku e kantante femenina Shakira.
Despues di su promé éksito Gimme The Light na 2003 Sean Paul a bira popularísimo ku e piesa Get Busy i el a ripití esaki ku e piesanan We Be Burnin' i Temperature. Kooperando ku diferente otro artista el a sigui su ruta di éksito, di tal manera el a optené éksitonan ku Beyoncé Baby Boy, Enrique Iglesias Bailando, Sia Cheap Things i hopi otro mas.
E banda di fusion di Jazz Sypro Gyra a alkansá éksito ku su di dos álbum Morning Dance na 1979, yegando na e nivel di platina i dos di su piesanan mas konosí entre otro ku e título Song For Lorraine. Entre tanto Spyro Gyra a produsí trinta álbum i a bende mas di dies mion di ehemplar.
Pianista i kompositor Michel Camilo mirá pa hopi komo un embahador di jazz latino, ta moviendo ya pa basta aña. Den añanan 80 kosechado tantu éksito komersial komo elogio di e krítikonan di jazz pa su dominio virtuoso di teklado di piano. A sigui masha hopi konsierto riba tarimanan prestigioso i na 2003 el a risibí un Grammy Award pa su álbum Live At The Blue Note.

CURAÇAO NORTH SEA JAZZ FESTIVAL 2018
World Trade Center Piscadera Bay lo ta esenario pa CNSJ riba dianan: Djaweps, 30 di ougùstùs: Silvestre Dangond, tba; Djabièrnè, 31 di ougùstùs Jason Derulo, Sean Paul, Spyro Gyra i Djasabra, 1 di sèptèmber: Carlos Vives, Michel Camilo Trio.