MERKA.- Djaluna awor, 16 di yüli pa 8’or di anochi lo tin un tributo pa e ‘Guarachera de Cuba’ na Miami. Riba e mesun dia pa 6’or di atardi lo realisá un seremonia similar den e kapia di e santana Woodland na New York, kaminda e kurpa di Cruz ta deskansá.
For di oranan tempran di mainta su ‘mausoleo’ lo ta habrí pa tur su fanátikonan por bishit’é.
‘Celia ta e leyenda mas grandi ku músika kubano tabatin. Su herensia ta dje fuerte ku ainda ta parse ku e ta bibu. E ta nos orguyo. Un ehèmpel di talento, desensia i humildat’, asina e produktor Emilio Estefan, kende a kolaborá ku e kantante na diferente okashon a afirmá.
Celia Cruz a nase na La Habana, Cuba, dia 21 di òktober 1925 i a fayesé na su kas na Fort Lee, New Jersey dia 16 di yüli 2003, víktima di kanser selebral.