MERKA.- Peter Davidson, e namorado di Ariana Grande a kumpra un renchi di kompromiso ku tin un balor di 93 mil dòler pa regalá su amante.
E hoyero ku a bende Davidson e renchi a deklará ku e komediante a paga 93 mil dòler pa e prenda. Segun su vershon luna pasá Davidson a pasa serka dje pa un renchi. ‘E no a bisa mi pa ken e ta, pero a indiká ku ainda e tabata un sekreto’, asina e hoyero a deklará.
E kompromiso di Grande i Davidson, ámbos 24 aña, no a keda konfirmá ainda. Pero ámbos for di komienso di nan relashon, ku ta mas o ménos un luna pasá, ta kompartí konstantemente potrètnan di otro riba medionan sosial.