WILLEMSTAD.- Ayera nochi a tuma lugá e presentashon di e pelíkula/ novela ‘E sirkulo di bida, ainda no ta e Fin’.
Un obra den format di pelíkula/novela, ku lo reflehá e ròlnan, e reglanan i e podernan basá riba kustumber, kultura, edukashon den diferente struktura di kasnan famia.
‘E Sirkulo di Bida, Ainda No Ta E Fin’ lo wòrdu estrená dia 20 di desèmber na Teatro Norman Palm i lo tin 2 funshon pa públiko.
Despues di selebrashon di karnaval  lo transmití e produkshon via di televishon. Kada episodio lo tin un durashon di 15 minüt.
“E Sirkulo di Bida, Ainda No Ta E Fin” tin komo meta eduká i fungi komo e vehíkulo ku lo yuda konsientisá, motivá, riba desaroyo i bienestar di  komunidat.
Riba fotonan nos por apresiá e elenko, tantu e grupo hubenil komo e grupo di artistanan mayor di edat.