WILLEMSTAD.- Djadumingu mèrdia, e área di JPF tabata kòrá kòrá! E stèlazje di Digicel a brota di ambiente. Tur hende tabata pendiente pa e robòt di Digicel, Robozão ku a wòrdu buská spesialmente pa selebrá Karnaval huntu ku Kòrsou e temporada aki.  E show tabata tur afó i muchanan riba e stèlazje i den e área di JPF a gosa sin fin! Esnan ku ainda lo ke para riba e stèlazje por hasi esaki ainda pa Marcha di Despedida Hubenil. Tambe tin e pakete pa Marcha Grandi i Despedida Grandi, ku ta kosta 175 florin. E pakete ta inkluí tishùrt, pèchi, pasapalu, un kuminda i limonada durante di e marchanan. Tambe, lo tin WiFi grátis proveé dor di TRES i músika di Dj. Tur esnan riba stèlazje lo tin chèns di gana premionan fantástiko. Usuarionan di Digicel por kumpra nan karchi na Digicel Biesheuvel for di 12 or di mèrdia pa 5 or di atardi i na Digicel Sambil entre 6 or di atardi i 8 or di anochi. Konektá via e página di Facebook di Digicel www.facebook.com/DigicelCuracao  p’abo tambe sinti e keintura kòrá!