MERKA.- E strea di futbòl, Cristiano Ronaldo ta den negoshashon ku Facebook relashoná ku un serie di televishon ku Facebook ke bai transmití via di nan plataforma di video, ‘Facebook Watch’.
Segun fuentenan ta trata aki di 13 episodio pa kua e delantero lo risibí 10 mion dòler komo pago.
‘Facebook Watch’ ta e plataforma di video ku e kompania di Mark Zuckerberg lo ke bai kompetí ku YouTube. Ku e serie di televishon di Ronaldo, e plataforma di ‘Facebook Watch’ lo tin un kontenido eksklusivo.
Ronaldo ta e deportista mas popular riba Facebook ku mas di 120 mion siguidó i ta disfrutá di un popularidat rònt mundu. Facebook no kier a reakshon riba e rumornan di e serie.