WILLEMSTAD.- E tradishon di San Juan ta sigui na Club Union Boneriano djabièrnè awor dia 23 di yüni, ku bulamentu di kandela. E aña aki nos ta pone 2 persona den ‘spòtlait’, San Juan 2017 ta dediká na sr. Hubert Hoogvliets ku semper a duna un man pa halsa e kultura Boneriano. Komo gratitut pa su koperashon duna na nos, sr. Richard ‘Chati’ Constancia lo honrá nos ku e sendementu di e kandela.

Club Union Boneriano ta invitá un i tur na e tremendo anochi di San Juan. Grupo Karinjo for di Boneiru i Grupo Kompèr lo tei pa trese e músika netamente Boneriano i piesanan spesífikamente dediká na San Juan. Grupo Kondjemba tambe lo tei pa asina e ambiente ta kompletu.

E aktividat aki lo ta na Club Union Boneriano: djabièrnè, 23 di yüni di 8’or di anochi pa 2’or di mardugá. Karchi adelantá ta optenibel na Club Union Boneriano djaweps 22 di yüni 09:00 mainta pa 12:00 mèrdia i djabièrnè 23 for di 09:00 te ku 6’or pm. Pa mas informashon yama 515-1606 òf 561-5666. “San Juan heeee Kandela ta kla, ban pa nos buleeee”.