MERKA.- Den 2017 Ed Sheeran a resultá e artista ku mas a keda bendí. Próksimamente e kantante lo risibí e ‘Global Recording Artist of the Year Award’, asina e federashon internashonal di industria fonográfiko (IFPI) a duna di konosé.
Sheeran den 2017 a logra di alkansá e status di ‘platina’ ku su albùm ‘Divide’ den 36 pais. Su ‘single’ ‘Shape of You’ a logra alkansá e status ‘platina’ den 32 pais.
Segun IFPI ta promé biaha ku un artista ta logra e puesto di honor di benta riba ámbos lista. E lista di benta no ta konta solamente e benta di CD i vinyl, pero tambe e benta di mp3 i ‘streams’.

PREMIO
E galardon, ‘Globarl Recording Artist of the Year’, ta keda entregá for di 2013. Den pasado Drake, Adele, Taylor Swift i One Direction a gana e galardon.