SPAÑA.- E kantante britániko, Ed Sheeran, ta kaba aña komo e artista mas siguí riba Spotify ku 6.300 mion i tambe komo e outor di e albùm ‘Divide’ i e kansion ‘Shape of You’ komo esun mas skuchá.
E plataforma di muzik via streaming a informá ku e género di ‘hip hop’ i músika Latino tabata e géneronan ku mas a dominá, sigur na Spaña kaminda Daddy Yankee a resultá e artista mas siguí i e kansion ‘Despacito’.
E panorama internashonal a keda dominá un biaha mas pa artistanan ku ta kanta na ingles. E rapper kanades, Drake a keda na di dos lugá, despues di tabata number 1 na 2015 i 2016. E tòp 5 a keda kompletá pa The Weeknd, Kendrick Lamar i ‘The Chainsmokers’.