Edna Petronia Martijn-Emerenciana

Salmo 92:1-2
Ta bon pa duna gradisimentu na SEÑOR,
i pa kanta alabansa na Bo nòmber, O Haltísimo; pa deklará Bo miserikòrdia den mainta, i Bo fieldat tur anochi.
Hopi gradesido nos ta komo yunan, ñetunan, bisañetunan, rumannan i demas famianan na e honor duná na nos kerida mama, wela i ruman:

Edna Petronia Martijn-Emerenciana
Mihó konosí komo Echi

Di e manera aki nos kier a gradisí tur famia, amigu, bisiñanan, miembronan di iglesia i konosínan ku a duna atenshon na ora di fayesimentu i entiero di nos kerida mama, wela i ruman. Danki ta bai na tur ku a manda mensahenan via media sosial i palabranan di konsuelo ku tabata di gran bendishon pa nos. Tambe un danki spesial na esnan ku a kanta kantikanan di alabansa, manda krans i trese flor, reflehando asina riba e bida di deboshon di nos mama. Nos ta gradisí Señor pa boso kompaño, Su miserikòrdia i fieldat ta di dia i anochi ku bosonan. Danki di kurason!