WILLEMSTAD.- Ayera nochi na sede di grupo di Karnaval ‘Eh he he’ tabatin e promé enkuentro ku e lider di Happy Peanuts, Renard Hurtado. Huntu nan a logra yega na términonan pa un akuerdo pa loke ta trata animashon musikal pa Karnaval 2020. ‘DEN E BEMBE’ a kombersá ku Sandy Atimadora kende a indiká di ta kontentu ku nan a yega na un akuerdo pa loke ta animashon musikal. Aworakí ta pendiente pa pone e términonan den un kontrakt pa próksimamente firma esaki. Pa loke ta trata presentashon di trahe, Sandy a indiká ku esaki lo tuma lugá sea mei mei di luna di òktober òf pa fin di òktober. Nos ta pendiente di algun material ku mester yega Kòrsou for di eksterior pa dje forma ei kuminsá kose e trahenan. Riba potrèt nos por apresiá e momentu ku Renard Hurtado i Sandy Atimadora ta duna otro man den presensia di entre otro Pancho, e hòmbu di sifra di ‘Eh he he’.