KRAMATORSK, UKRANIA, AFP.- Ehérsito ukraniano a atmití djaluna ku trupanan ruso a logra ekspulsá su sòldatnan pa sentro di Severodonetsk, un siudat klave na ost di Ukrania.
“E enemigu a ehekutá un asalto den severodonetsk, ku un triunfo parsial i a saka nos unidatnan for di sentro di e siudat. E kombatenan ta kontinuá”, asina ehérsito a informá riba Facebook.
Presidente ukraniano Volodymyr Zelensky a bisa den un mensahe di video djadumingu anochi ku e último kombatenan na Severodonetsk tabata hopi feros.
Pa trupanan di Moscow, kontròl di Severodonetsk ta habri kaminda pa gara kontròl di un siudat importante mas di Donbas, Kramatorsk. Esaki ta un etapa importante pa konkistá e region kompleto na frontera ku Rusia, di kual gran parti ya ta den man di separatistanan pro ruso for di 2014.
