SIUDAT DI MEXICO, AP.- E gobernador aktual, Miguel Angel Yunes, a akusá su predesesor di kumpra remedinan falsu pa hospitalnan estatal i di suministrá muchanan malu ku kanser un sustansia ku no ta funshoná na lugá di e remedi korespondiente.

Na México ta frekuentemente tin akusashon di krímen kontra eks gobernadornan estatal, pero masha poko ta asina grave manera esun formulá kontra eks gobernador, Fidel Herrera.

Djadumingu, Herrera a renunsia na konsulado di Barcelona, i a tweet “Mi ta bai enfrentá e kos aki. Ta trata di un falsedat total”.
Herrera tabata gobernador di Veracruz di 2004 pa 2010.

Yunes a bisa ku e kompra di remedinan falsu a kuminsá ku Herrera i a kontinuá ku su susesor Javier Duarte.

Duarte, akusá di labamentu di plaka i krímennan mafioso, a hui di hustisia.