WILLEMSTAD.- Djasabra último Fundashon Pro Souax a organisá na Sentro di bario Souax pa di nuebe biaha,  evaluashon di baile pa partisipantenan di “Souax Dance School”.
E personanan ku na e okashon ei, eksitosamente a pasa nan evaluashon di baile ta: sra. Chermila Conquet, sra. Nymia Alvares, sr. Carlos Alvares, sra. Meredith Henrietta, sra. Dulce Henrietta i sra. Milasetti Steba.
Dilanti di un públiko grandi e partisipantenan a demostrá nan dominio di entre otro: wals, mazurka, dansa, son montuno i merengue.
E instruktornan di baile di “Souax Dance School”, sr. Erwin Simon, sra. Noris Manuela i sr. Arturo Petronilia awor ta preparando pa djaweps 6 di yüli próksimo start ku un kurso nobo di baile.
Pa mas informashon òf pa inskripshon por tuma kontakto ku Sentro di bario Souax na 868-8170 / 522-8170 òf na fundashonprosouax@gmail.com. Un i tur ta bon bini.