WILLEMSTAD.- Fundashon Bon Intenshon i Ofisina di Turismo por mira atras riba un eksitoso evento di Blues den Riffort Village.
E proyekto ku tabatin komo meta pa trese Kòrsou e legendario ‘Rhythm & Blues Cruise’ a logra di atraé un públiko grandi den Riffort Village pa presentashon di tres artista di Blues.
Menshon spesial durante dje konsierto mester bai pa Christon ‘Kingfish’ Ingram. E hóben di 18 aña aki ta un fenómeno bibu riba kitara. Su presentashon tabata sublime i loke a bira e ‘highlight’ dje atardi ta na momentu ku el a baha fo’i stage i bai kana den e públiko tokando su kitara.
‘Kingfish’ manera e ta wòrdu yama a kuminsá toka drùms ku 6 aña, ku 9 aña di edat el a kuminsá toka bas i pa 11 e tabata toka ‘lead guitar’.
E mucha hòmber aki manera nos a indiká ta un fenómeno bibu i ku pronto lo e bira un leyenda bibu. Riba fotonan nos por apresiá algun imágen durante dje evento.