WILLEMSTAD.- Ayera mainta a tuma lugá riba e tereno di parker di TeleCuraçao un jump in organisá pa e programa ‘Dun’é un Chèns’ pa e alumnonan di VSO Marieta Alberto, esaki den kuadro di nan selebrashon di 15 aniversario di e programa. Agrupashon musikal ONE, Rei di Tumba Hubenil 2019, Sontje Mercelina, Rei di Tumba 2019, Dibo Doran i diferente otro eks Rei di Tumba a pèrkurá pa e animashon musikal. Antonieta Dap Pieters, produktor di e programa ‘Dun’é un Chèns’ tabata masha kontentu ku e echo ku e muchanan a gosa dje ambiente ku a keda organisá pa nan. Riba fotonan nos por apresiá algun momentu durante dje tremendo jump in.