WILLEMSTAD.- Durante di weekend di 16 pa 19 di mart último e hóbennan Thaym Cijntje (CVV Willemstad) i Dairison Pieternella (VS Excellence) a partisipá na AC Milan Junior Camp Day 2017 ku a tuma lugá na Milan, Italia. E torneo a ser tene na e kompleho deportivo hubenil VISMARA di AC Milan na Milan; e kompleho aki ta ser usa dor di AC Milan su ekiponan hubenil I tambe pa organisá torneonan hubenil nashonal òf internashonal.

Tabatin partisipashon di alrededor di 400 futbolista hubenil di 50 pais di mundu den e torneo, inkluyendo Italia, Alemania, Brazil, Skandinavia, Puerto Rico, Barbados, Venezuela, Hulanda, Spaña, Oustria I hopi pais mas. E hungadónan di Kòrsou a partisipá den e ekiponan di Americas (kombinashon di Merka, Colombia, Santo Domingo, Puerto Rico, Kòrsou) den kategoria U-16.